ﭼﺮﺍﻍ ﺯﻧﺪﮔﯽ ﮨﻮﮔﺎ ﻓﺮﻭﺯﺍﮞ' ﮨﻢ ﻧﮩﯿﮟ ﮨﻮﮞ ﮔﮯ........

ﭼﺮﺍﻍ ﺯﻧﺪﮔﯽ ﮨﻮﮔﺎ ﻓﺮﻭﺯﺍﮞ' ﮨﻢ ﻧﮩﯿﮟ ﮨﻮﮞ ﮔﮯ
ﭼﻤﻦ ﻣﯿﮟ ﺁﺋﮯ ﮔﯽ ﻓﺼﻞِ ﺑﮩﺎﺭﺍﮞ'ﮨﻢ ﻧﮩﯿﮟ ﮨﻮﮞ گے

ﺟﻮﺍﻧﻮ' ﺍﺏ ﺗﻤﮩﺎﺭﮮ ﮨﺎﺗﮫ ﻣﯿﮟ ﺗﻘﺪﯾﺮِ ﻋﺎﻟﻢ ﮨﮯ
تمہی ﮨﻮﮔﮯ ﻓﺮﻭﻍِ ﺑﺰﻡِ ﺍﻣﮑﺎﮞ' ﮨﻢ ﻧﮩﯿﮟ ﮨﻮﮞ ﮔﮯ...


ﮨﻤﺎﺭﮮ ﮈﻭﺑﻨﮯ ﮐﮯ ﺑﻌﺪ ﺍﺑﮭﺮﯾﮟ ﮔﮯ ﻧﺌﮯ ﺗﺎﺭﮮ
ﺟﺒﯿﻦِ ﺩﮨﺮ ﭘﺮ ﺟﮭﭩﮑﮯ ﮔﯽ ﺍﻓﺸﺎﮞ' ﮨﻢ ﻧﮩﯿﮟ ﮨﻮﮞ ﮔﮯ

ﻧﮧ ﺗﮭﺎ ﺍﭘﻨﯽ ﮨﯽ ﻗﺴﻤﺖ ﻣﯿﮟ ﻃﻠﻮﻉِ ﻣﮩﺮ ﮐﺎ ﺟﻠﻮﮦ
ﺳﺤﺮ ﮨﻮﺟﺎﺋﮯ ﮔﯽ ﺷﺎﻡِ ﻏﺮﯾﺒﺎﮞ' ﮨﻢ ﻧﮩﯿﮟ ﮨﻮﮞ ﮔﮯ

ﺍﮔﺮ ﻣﺎﺿﯽ ﻣﻨﻮﺭ ﺗﮭﺎ ﮐﺒﮭﯽ ﺗﻮ ﮨﻢ ﻧﮧ ﺗﮭﮯ ﺣﺎﺿﺮ
ﺟﻮ ﻣﺴﺘﻘﺒﻞ ﮐﺒﮭﯽ ﮨﻮﮔﺎ ﺩﺭﺧﺸﺎﮞ' ﮨﻢ ﻧﮩﯿﮟ ﮨﻮﮞ ﮔﮯ

ﮨﻤﺎﺭﮮ ﺩﻭﺭ ﻣﯿﮟ ﮈﺍﻟﯿﮟ ﺧﺮﺩ ﻧﮯ ﺍﻟﺠﮭﻨﯿﮟ ﻻﮐﮭﻮﮞ
ﺟﻨﻮﮞ ﮐﯽ ﻣﺸﮑﻠﯿﮟ ﺟﺐ ﮨﻮﮞ ﮔﯽ ﺁﺳﺎﮞ' ﮨﻢ ﻧﮩﯿﮟ ﮨﻮﮞ ﮔﮯ

ﮐﮩﯿﮟ ﮨﻢ ﮐﻮ ﺩﮐﮭﺎﺩﻭ ﺍﮎ ﮐﺮﻥ ﮨﯽ ﭨﻤﭩﻤﺎﺗﯽ سی
ﮐﮧ ﺟﺲ ﺩﻥ ﺟﮕﻤﮕﺎﺋﮯ ﮔﺎ ﺷﺒﺴﺘﺎﮞ' ﮨﻢ ﻧﮩﯿﮟ ﮨﻮﮞ ﮔﮯ

ﮨﻤﺎﺭﮮ ﺑﻌﺪ ﮨﯽ ﺧﻮﻥِ ﺷﮩﯿﺪﺍﮞ ﺭﻧﮓ ﻻﺋﮯ ﮔﺎ
ﯾﮩﯽ ﺳﺮﺧﯽ ﺑﻨﮯ ﮔﯽ ﺯﯾﺐِ ﻋﻨﻮﺍﮞ' ﮨﻢ ﻧﮩﯿﮟ ﮨﻮﮞ ﮔﮯ