ھمیشہ دیر کر دیتا ہوں

"ھمیشہ دیر کر دیتا ہوں"

ھمیشہ دیر کر دیتا ہوں میں ہر کا کرنے میں

ضروری بات کہنی ہو کوئی وعدہ نبھانا ہو

اسے آواز دینی ہو اسے واپس بلانا ہو

ھمیشہ دیر کر دیتا ہوں میں

مدد کرنی ہو اس کی، یار کی ڈھارس بندھانا ہو

بہت دیرینہ رستوں پر کسی سے ملنے جانا ہو

ھمیشہ دیر کر دیتا ہوں میں

بدلتے موسموں کی سیر میں دل کو لگانا ہو

کسی کو یاد رکھنا ہو کسی کو بھول جانا ہو

ہمیشہ دیر کر دیتا ہوں میں

کسی کو موت سے پہلے کسی غم سے بچانا ہو

حقیقت اور تھی کچھ اس کو جا کہ یہ بتانا ہو

ھمیشہ دیر کر دیتا ہوں میں ہر کام کرنے میں  

منیر نیازی مرحوم