جو قلب و نظر میں ـــــــ سمایا مدینہ

جو قلب و نظر میں ـــــــ سمایا مدینہ

چلے جس طرف ھم ـــــــ تو آیا مدینہ

وہیں جیسے جنّت کا دَر کُھل گیا ھے

ذرا جو تصوّر میں ــــــــــــــ آیا مدینہ

جو دنیا نے رنگ اپنے مجھ کو دکھائے

تو پیشِ نظر ـــــــــــــ جگمگایا مدینہ

مدینے کو دیکھا تو ھم مُسکرائے

ہمیں دیکھ کر ـــــ مُسکرایا مدینہ

درود اُسؐ پہ جو ھے مدینے کا والی

سلام اُسؐ پہ جس نے بسایا مدینہ

جگا دے ہمارا ــــــــ مقدّر بھی آقا

دِکھا دے ہمیں بھی خدایا مدینہ

جب آثار دیکھے تو لَب یہ پُکارے

وہ آیا مدینہ ـــــــــ وہ آیا مدینہ

زمانے کو تہذیبِ نَو بخش دی ھے

کہ یثرب کو اُسؐ نے ـــــ بنایا مدینہ

صَبا پیرویِ مُحمّدؐ ـــــــ یہی ھے

چلے ھم جو مکّے سے آیا مدینہ

( صبا اکبر آبادی مرحوم )